बँकेच्या वेळा बदलल्या, RBI चा मोठा निर्णय

बँकेच्या ग्राहकांसाठी एक मोठी खूशखबर आहे. आता ग्राहकांना बँकेत एक तास अतिरिक्त वेळ मिळणार आहे. रिझर्व्ह बँक ऑफ इंडियाच्या म्हणण्यानुसार, १८ एप्रिल २०२२ पासून बँकांच्या कामकाजाच्या वेळा बदलण्यात आल्या आहेत. आता बँका सकाळी ९ वाजता उघडतील. मात्र, बँका बंद होण्याच्या वेळेत कोणताही बदल झालेला नाही. यामुळे आता लोकांना दिवसभरात जास्त वेळ बँकिंग सुविधांचा लाभ घेता येणार आहे वास्तविक, कोरोना विषाणूच्या साथीमुळे दिवसभरात बँका उघडण्याचे तास कमी करण्यात आले होते. जे आता पुन्हा सामान्य केले जात आहे. ही नवीन सुविधा १८ एप्रिल २०२२ पासून लागू होणार आहे.

हेही वाचा :- राज्यातील ‘या’ शहरात लाखोंची बनावट दारू जप्त

कार्डलेस एटीएममधून लवकरच व्यवहार करण्याची सुविधा

आरबीआयच्या म्हणण्यानुसार, कार्डलेस एटीएममधून व्यवहार करण्याची सुविधा लवकरच सुरू होणार आहे. लवकरच ग्राहक UPI द्वारे बँका आणि त्यांच्या एटीएममधून पैसे काढू शकतील. कार्डलेस म्हणजेच कार्ड न वापरता व्यवहार करणे, यासाठी सर्व बँका आणि त्यांच्या एटीएममधून पैसे काढण्याची सुविधा UPI द्वारे दिली जाईल. कार्डलेस कॅश ट्रान्झॅक्शनमध्ये एटीएम पिनऐवजी मोबाइल पिन वापरला जातो, असे तज्ज्ञांचे मत आहे. अशा परिस्थितीत, एटीएमद्वारे होणारी फसवणूक रोखण्यास मदत होईल. कार्डलेस ट्रान्झॅक्शनमुळे व्यवहार सोपे होतील आणि कार्डलेस ट्रान्झॅक्शनमुळे कार्ड क्लोनिंग, कार्ड चोरी आणि इतर अनेक प्रकारची फसवणूक टाळता येईल.