औरंगाबाद हादरले ! प्रेमप्रकरणातून मुलाने मुलीला कॉलेज मध्येच पेटवले, मुलगाही भाजला

औरंगाबाद येथील शासकीय विज्ञान संस्थेत संशोधन करणाऱ्या एका विद्यार्थिनीवर पेट्रोल टाकून जीवंत जाळण्याचा प्रयत्न केल्याची घटना समोर आली आहे. पोलिस घटनास्थळी पोहोचले असून तपास सुरू आहे. प्रेमप्रकरणातून हा प्रकार घडल्याची चर्चा आहे. त्याबाबत पोलिस अधिक तपास करत आहेत. मात्र, या घटनेमुळे एकच खळबळ उडालीय. गजानन मुंडे असे या तरुणाचे नाव असल्याचे समजते. मात्र, तो कोणत्या गावचा रहिवासी आहे, हे अजून कळालेले नाही.

कशी घडली घटना?
आज दुपारी महाविद्यालयात दुपारी जेवणाची सुट्टी झाली. त्यावेळी मुलगी प्राध्यापक कक्षात एकटीच असल्याची संधी साधून गजानन आत घुसला. आत येताच त्याने आतून कडी लावून घेतली. काही कळण्याच्या आतच त्याने स्वतःच्या व मुलीच्या अंगावर पेट्रोल टाकून स्वतःला पेटवून घेत मुलीला मिठी मारली. या घटनेत दोघेही भाजले. त्यांना घाटी रुग्णालयात हलविण्यात आले असून, मुलगा साधारण 70 तर मुलगी 30 टक्के भाजल्याची प्राथमिक माहिती पोलिसांनी दिली.

पोलिसांकडे केली होती तक्रार
विद्यार्थिनी आणि गजानन गेल्या चार वर्षांपासून एकमेकांना ओळखत होते. मात्र, मागील काही दिवसांपासून दोघांमध्ये वाद झाले होते. त्याबाबत मुलीने पोलिस ठाण्यात दोन-तीन वेळा लेखी तक्रारही दिली होती. मात्र, साधारण अदखलपात्र नोंद करत पोलिसांनी या प्रकरणाकडे गांभीर्याने पाहिले नसल्याची खंत या मुलीच्या मैत्रिणींनी व्यक्त केली.

खुनाची मालिका तुटेना ! “साहेब, रोजची कटकट थांबवली” म्हणत पत्नीच्या खुनाची पतीने स्वतःच दिली कबुली

जबाब नोंदवणे सुरू
पोलिसांनी दिलेल्या माहितीनुसार मुलीचा जबाब नोंदवणे सुरू असून, तिला घाटी रुग्णालयात उपचारासाठी दाखल करण्यात आले आहे. दोन्ही विद्यार्थी हे डॉ. बाबासाहेब आंबेडकर मराठवाडा विद्यापीठात संशोधन करत असल्याचे समजते. संबंधित मुलगी ही बायोफिजिक्स अभ्यासक्रमाची विज्ञान संस्थेतील माजी विद्यार्थिनी आहे.
……………………………………………………..