पुणे मुंबई महामार्गावर भीषण अपघात, पाच जणांचा जागीच मृत्यू

पुणे :- पुणे मुंबई महामार्गावर भीषण अपघात झाला आहे. या अपघातात पाच जणांचा जागीच मृत्यू झाला आहे. लोणावळा जवळच्या शिलाटने हद्दीत सकाळी आठ वाजताच्या सुमारास ही दुर्दैवी घटना घडली. मुंबईवरून पुण्याला कारमध्ये हे पाच जण निघाले होते. चालकाचा गाडीवरील ताबा सुटला आणि दुभाजक ओलांडून गाडी विरुद्ध दिशेच्या मार्गावर गेली. समोरून येणाऱ्या कंटेनरच्या खाली ही गाडी आली. काही कळायच्या आता गाडीचा चक्काचूर झाला आणि गाडीतील पाचही प्रवाशांचा जागीच मृत्यू झाला.

या अपघातात मृत पावलेले प्रवासी कुठे जाणार होते, तसेच हे प्रवासी कोण आहेत याची संपूर्ण माहिती समोर आली नाही. या संबंधित माहिती लोणावळा ग्रामीण पोलिसांकडून मिळविण्याचे प्रयत्न सुरू आहेत. या अपघातामुळे महामार्गावरील वाहतूक विस्कळीत झालेली आहे