एसटी कर्मचाऱ्यांचा संताप, शरद पवारांचे निवास्थान ‘सिल्व्हर ओक’ वर दगड फेक
मागील पाच महिन्यांपासून सुरू असलेले एसटी कर्मचाऱ्यांचा संप सुरू आहे. काल न्यायालयाने एसटी कर्मचाऱ्यांच्या संपावर तोडगा काढून २२ एप्रिल पर्यंत कर्मचाऱ्याना कामावर रुजू होण्याचा आदेश दिला आहे.
मात्र आज पुन्हा एकदा एसटी कर्मचारी विलिनीकरणाच्या मुद्द्यावर आक्रमक झाले आहे. राष्ट्रवादी काँग्रेसचे अध्यक्ष शरद पवार यांच्या मुंबईतील सिल्वर ओक निवासस्थानात घुसून आंदोलन करत आहेत. यावेळी एसटी कर्मचाऱ्यांकडून शरद पवारांच्या घरावर चप्पल आणि दगडफेल करण्यात आली. सिल्वर ओक बाहेर पोलिसांचा मोठा फौजफाटा तैनात करण्यात आला असून, आंदोलन करणाऱ्या कर्मचाऱ्यांना पोलिसांनी ताब्यात घेतले आहे.
आंदोलन करणाऱ्या कर्मचाऱ्यांनी शरद पवारांच्या घराकडे चप्पलफेक आणि दगडफेक केली. घराबाहेर असलेल्या सुरक्षा रक्षकांनी आंदोलकांना थांबवण्याचा प्रयत्न केला मात्र पण शेकडोच्या जमावासमोर त्यांचा निभाव लागला नाही. यानंतर आयपीएस विश्वास नांगरे पाटील यांच्यासह पोलिसांचा मोठा फौजफाटा सिल्वर ओकमध्ये दाखल झाला. या संपकरी कर्मचाऱ्यांमध्ये मोठ्या संख्येने महिलाही सहभागी झाल्या आहेत. त्या आपल्या हातील बांगड्या वाजवून सरकारविरोधात निषेध व्यक्त करत आहेत.
आज संपकरी कर्मचारी अतिशय अक्रमक झाले होते. मोठ्या संख्येने आलेल्या कर्मचाऱ्यांना बोलण्यासाठी शरद खासदार सुप्रिया सुळे बाहेर आल्या. यावेळी त्यांनी कर्मचाऱ्यांना बोलण्यास तयार असल्याचे प्रतिक्रिया दिली. सुप्रिया सुळे म्हणाल्या की, सर्वांनी शांत राहावे. कुणीही दगडफेक आणि चप्पलफेक करू नये. माझे आई-वडील आणि मुलगी घरात आहे, त्यांची सुरक्षा माझ्यासाठी महत्वाची आहे. मी सर्वांचे म्हणने ऐकलाय तयार आहे फक्त त्यांनी शांत रहावे.