धुळ्यात 10,000 किलो चांदी जप्त, मालकाची माहिती पोलिसांच्या हाती

Seized silver in Dhule | धुळ्यामध्ये चांदी जप्त :- धुळे मध्ये मोठा हेराफेरी उघड: 10,000 किलो चांदी जप्त; 94 कोटींचा मुद्दा
महाराष्ट्रातील विधानसभा निवडणुकीच्या पार्श्वभूमीवर बुधवारी धुळ्यात मोठी कारवाई करण्यात आली. पोलिसांनी अचारसंहिता उल्लंघनाच्या कारणावरून नियमित वाहन तपासणी केली, त्यावेळी एक कंटेनर अडवला गेला. त्याची तपासणी केल्यावर आश्चर्यकारकपणे 10,000 किलो चांदी सापडली, ज्याची बाजारमूल्य 94 कोटी 68 लाख रुपये आहे.

अदानीवर गंभीर आरोप; शेअर बाजारात खळबळ, शेअर्स 20 टक्क्यांनी घसरले

सुरुवातीला पोलिसांनी या चांदीच्या मालकाचा शोध घेतला आणि पुढे तपासणी केली असता हे चांदीचे मालक एचडीएफसी बँकेचे असल्याचे स्पष्ट झाले. हा कंटेनर चेन्नईहून जयपूरला जात होता, परंतु त्याच्याकडे आवश्यक कागदपत्रे नव्हती. पोलिसांनी चांदी जप्त करून संबंधित विभागांना याबाबत माहिती दिली आहे, आणि कागदपत्रे तपासल्यानंतर चांदी परत करण्याची प्रक्रिया सुरु केली आहे.

अजित पवार विजय होण्याची शक्यता? हरवणार पुतण्याला?

याशिवाय, धुळे जिल्ह्यात झालेल्या इतर तपासणीत नऊ कोटी रुपये रोख रक्कम, तसेच अमली पदार्थ, आयुर्वेदिक दारू आणि सोने-चांदीचे दागिने जप्त करण्यात आले आहेत. एकूण 19 कोटी 50 लाख रुपयांची बेकायदा मालमत्ता जप्त करण्यात आली आहे.

शिंदे, भाजपा, अजित पवारांचा नोट जिहाद, ठाकरेंचा घणाघात

राज्यातील निवडणुकीच्या पार्श्वभूमीवर 15 ऑक्टोबरपासून पोलीस आणि निवडणूक आयोगाच्या पथकांनी मोठ्या प्रमाणावर तपासणी केली आहे. यामध्ये 706 कोटी 98 लाख रुपयांची बेकायदा मालमत्ता जप्त केली आहे, ज्यामध्ये रोकड, सोने, चांदी, मद्य आणि अमली पदार्थांचा समावेश आहे. या कारवाईने राज्यभरात आचारसंहिता उल्लंघनाच्या विरोधात कडक कारवाई सुरू असल्याचे दिसून येत आहे.