पुणे हादरले ; ११ वर्षीय चिमुकलीवर शाळेत बलात्कार

पुण्यात वडगाव शेरी परिसरातील शाळेत शिरून एक तरुणीची हत्या करण्यात आली. आरोपी तरुणांने एकतर्फी प्रेमातून हा क्रूरतेचा निर्णय घेतला होता. ही घटना ताजी असताना गर्ल हायस्कूलमध्ये ११ वर्षीय अल्पवयीन मुलीवर लैंगिक अत्याचार केल्याची धक्कादायक घटना समोर आलीय.

४० वर्षीय अज्ञात व्यक्तीने पीडित मुलीला बळजबरीने शौचालयात घेऊन जात, तिच्यावर लैंगिक अत्याचार केल्याची खळबळजनक घटना शाळेत घडली. तसेच घटनेची वाच्यता न करण्याची धमकी देत आरोपींनी पीडित मुलीला धमकी दिली होती. परंतु मुलीने तिच्यासोबत झालेल्या सर्व प्रकार आईला सांगितला, त्यानंतर ही धक्कादायक घटना समोर आली. याप्रकरणी ४० वर्षे अनोळखी विरोधात शिवाजीनगर पोलिस ठाण्यात गुन्हा दाखल झाला आहे.

पोलिसांनी दिलेल्या माहितीनुसार पीडित ११ वर्षे मुलगी पुण्यातील शिवाजीनगर परिसरात असणाऱ्या गर्स हायस्कूलमध्ये शिक्षण घेते. घटनेच्या दिवशी बुधवारी दुपारी ती नेहमीप्रमाणे शाळेत केली होती. सकाळी अकराच्या सुमारास एका चाळीस वर्ष अज्ञात व्यक्तीने तिला बोलावलं आणि आरोपीने तिची फसवणूक करत तिला शाळेच्या बाथरूम मध्ये नेलं, याठिकाणी गैरफायदा घेत आरोपीने तिच्यावर लैंगिक अत्याचार केले आणि नराधम आरोपी एवढ्यावरच थांबला नाही. तर घडलेला प्रकार कुणालाही सांगितलं तर तुला बघतो अशी धमकी दिली. मात्र पीडित मुलींनी या घटनेची संपूर्ण माहिती आपल्या आईला दिली. अशी माहिती आईला मिळताच शिवाजीनगर पोलिस ठाण्यात मुलीच्या तक्रारीनुसार अज्ञात आरोपी विरोधात बाललैंगिक अत्याचार प्रतिबंधक कायद्याचा अन्य कलमांतर्गत गुन्हा दाखल झाला आहे. या घटनेचा पुढील तपास पोलिस करत असून या घटनेने शाळेतील विद्यार्थ्यांमध्ये भीतीच वातावरण आहे.