लग्न घरात शोककळा; पती-पत्नीचा अपघातात मृत्यू, ४ जण गंभीर जखमी

लग्न घरात शोककळा; पती-पत्नीचा अपघातात मृत्यू, ४ जण गंभीर जखमी

पारोळा (जळगाव) – दोन दिवसांनी चुलत भावाच्या मुलीचे लग्न असल्याने गावी येत असलेल्या पती-पत्नीवर काळाने घाला घातला. सुधीर देवीदास पाटील (वय ४५) आणि ज्योती सुधीर पाटील (वय ४०) हे दाम्पत्य सुरत येथून आपल्या गावी लोणी बुद्रुक (ता. पारोळा) येथे निघाले होते. २ डिसेंबरला गावी येत असताना म्हसवे फाट्याजवळ वळण घेत असताना जळगावकडून भरधाव वेगाने आलेल्या दुसऱ्या कारने त्यांची कार जोरदार धडक दिली. या अपघातात सुधीर आणि ज्योती पाटील यांचा जागीच मृत्यू झाला.

गृहमंत्रिपदासाठी एकनाथ शिंदे ठाम असून इतर खात्यासाठीही टाकली अट, भाजप काय देणार उत्तर?

अपघातामध्ये दुसऱ्या कारमधील चार जण जखमी झाले आहेत. नाशिक येथील शिरीष लठ्ठा (४०), उमेश लाने (४२) आणि कारचालक प्रवीण तागड मिरज चांदे यांना गंभीर दुखापत झाली आहे. घटनास्थळी गावकऱ्यांनी तात्काळ धाव घेत जखमींना बाहेर काढून पारोळा कुटीर रुग्णालयात दाखल केले. याप्रकरणी पोलिसांनी अपघाताची नोंद केली असून अधिक तपास सुरू आहे.

नंदुरबारमध्ये बिबट्याच्या हल्ल्यात अकरा वर्षीय मुलाचा मृत्यू, शेतकऱ्यांमध्ये भीतीचे वातावरण

सुधीर पाटील हे सुरत येथील किराणा मालाचे व्यापारी होते आणि आपल्या कुटुंबासाठी लग्न समारंभासाठी गावी येत होते. पण कालच्याच अपघाताने त्यांच्या कुटुंबावर दुःखाचा डोंगर कोसळला आहे. या घटनामुळे परिसरात शोककळा पसरली असून कुटुंबीय आणि गावकऱ्यांमध्ये शोक व्यक्त केला जात आहे.

अजित पवारांकडून शिंदेंच्या गावी जाण्यावर स्पष्टीकरण, बघा काय म्हणाले ?

या अपघातात दोन्ही गाड्यांचे चक्काचूर झाले आहेत. अपघाताची कारणे काय होती हे अद्याप स्पष्ट झालेले नाही, पण अधिकाऱ्यांचा दावा आहे की अपघात अत्यंत वेगाने येणाऱ्या दुसऱ्या कारमुळे झाला. यामुळे स्थानिक प्रशासनाने अपघातांची पुनरावृत्ती टाळण्यासाठी उपाययोजना करण्याची आवश्यकता व्यक्त केली आहे.