सेन्सेक्सची ‘400’ अंकांची उसळी, ICICI बँकेचा शेअर आणखी “40%” वाढण्याची शक्यता

खाजगी क्षेत्रातील आयसीआयसीआय बँकेच्या शेअर्सनी गुरुवारी 8 सप्टेंबर रोजी नवीन शिखर गाठले. नॅशनल स्टॉक एक्स्चेंज (NSE) वर दिवसभराच्या व्यवहारादरम्यान ICICI बँकेच्या समभागांनी जवळपास 2.5 टक्क्यांनी झेप घेतली आणि तो 900.80 रुपयांवर पोहोचला, जो आतापर्यंतचा उच्चांक आहे. आयसीआयसीआय बँकेच्या समभागांमध्ये ही वाढ अशा वेळी आली आहे जेव्हा मॉर्गन स्टॅनलीने एका दिवसापूर्वी बँकेचे री-रेटिंग करताना लक्ष्य किंमत वाढवली आहे.

माणसांपेक्षाही हुशार आहे हा “कुत्रा” विश्वास नसेल तर व्हिडीओ बघा…

मॉर्गन स्टॅन्ले येथील विश्लेषकांनी 6 सप्टेंबर रोजी जारी केलेल्या नोटमध्ये जवळपास संपूर्ण बँकिंग क्षेत्राचे पुनर्मूल्यांकन केले होते. मात्र, आयसीआयसीआय बँकेच्या शेअर्समध्ये सर्वाधिक वाढ होण्याची शक्यता त्यांनी वर्तवली होती. मॉर्गन स्टॅनलीने ICICI बँकेची लक्ष्य किंमत रु. 1,040 वरून आता रु. 1,225 केली आहे. हे ICICI बँकेच्या सध्याच्या बाजारभावापेक्षा 40 टक्के जास्त आहे.

केळीची शेती: केळीची पाने कोमेजून पिवळी पडत आहेत! हे आहेत या आजाराचे लक्षण …असे करा प्रतिबंध

दुपारी 2.30 वाजता बातमी लिहिली तेव्हा NSE वर ICICI बँकेचे शेअर्स 2.57 टक्क्यांनी वाढून 898.75 रुपयांवर व्यवहार करत होते. यासह, ICICI बँकेचे बाजार भांडवल आता 6.26 लाख कोटी झाले आहे आणि सध्या ते 22.96 च्या P/E गुणोत्तराने व्यवहार करत आहे.
काही दिवसांपूर्वी बँकेने इन्फ्रा बॉण्ड्स जारी करून एक किंवा अधिक टप्प्यात सुमारे 10,000 कोटी रुपये उभारण्याची योजना असल्याचे सांगितल्यानंतर ICICI बँकेच्या समभागांनी नवीन सर्वकालीन उच्चांक गाठला. हे दीर्घकालीन रोखे असतील आणि त्यावर रोख राखीव प्रमाण (CRR) आणि वैधानिक तरलता प्रमाण (SLR) राखण्यापासून सूट दिली जाईल.

सेन्सेक्सने 400 अंकांची उसळी घेतली

8 सप्टेंबर रोजी भारतीय शेअर बाजारात प्रचंड वाढ झाली. कच्च्या तेलाच्या किमती घसरल्याने बाजारातील भावावर सकारात्मक परिणाम झाला. तंत्रज्ञान आणि बँक समभागांमध्ये सर्वाधिक वाढ दिसून आली. सकाळी 12:16 वाजता बीएसईचा 30 शेअर्सचा सेन्सेक्स 470 अंकांच्या किंवा 0.80 टक्क्यांच्या वाढीसह 59,501 अंकांवर होता. NSE चा 50 शेअर्सचा निफ्टी 125 अंकांनी म्हणजेच 0.71 ने 17,749 अंकांवर होता. यापूर्वी सेन्सेक्स 500 अंकांच्या वर पोहोचला होता.