ज्येष्ठ नागरिक बचत योजना आणि FD वर सरकार देणार जास्त व्याज, जाणून घ्या काय आहे दर

१ आणि ५ वर्षांच्या एफडी, राष्ट्रीय बचत प्रमाणपत्र (NSC), सुकन्या समृद्धी योजना, सार्वजनिक भविष्य निर्वाह निधी (PPF) वर जास्त व्याजाचा लाभ मिळणार नाही. यावर गुंतवणूकदारांना जुने व्याज मिळेल, केंद्र सरकारने सणासुदीच्या काळात सर्वसामान्यांना दिलासा देत छोट्या बचत योजनांच्या व्याजदरात तिसऱ्या तिमाहीत वाढ केली आहे.

तिसऱ्या तिमाहीचा अर्थ असा की सरकार ऑक्टोबर-डिसेंबर दरम्यान लहान बचत योजनांवर अधिक व्याज देईल. याचा अर्थ असा की दोन आणि तीन वर्षांच्या एफडी आणि ज्येष्ठ नागरिक बचत योजनांवर तिसऱ्या तिमाहीत जास्त व्याज मिळेल.

तथापि, 1 आणि 5 वर्षांच्या FD, राष्ट्रीय बचत प्रमाणपत्र (NSC), सुकन्या समृद्धी योजना, सार्वजनिक भविष्य निर्वाह निधी (PPF) वर जास्त व्याजाचा लाभ मिळणार नाही. गुंतवणूकदारांना यावर फक्त जुने व्याज मिळेल.

पालकमंत्री संदिपान भुमरे यांनी घेतला विविध विभागांचा आढावा

आता तुम्हाला किती व्याज मिळेल ते जाणून घ्या

आत्तापर्यंत ज्येष्ठ नागरिक योजनेवर ७.४% व्याज मिळत होते, ते आता ७.६% झाले आहे. आतापर्यंत किसान विकास पत्रावर ६.९% व्याज मिळत होते. आता १ ऑक्टोबरपासून गुंतवणूकदारांना ७ टक्के व्याज मिळणार आहे. यासोबतच आता दोन आणि तीन वर्षांच्या एफडीवरही पूर्वीपेक्षा जास्त व्याज मिळणार आहे. मासिक उत्पन्न खाते योजनेवरील व्याजदर 6.6% वरून 6.7% करण्यात आला आहे.

रिझर्व्ह बँकेने मे महिन्यापासून रेपो दरात 140 बेसिस पॉईंटची वाढ केली आहे. त्यामुळे आता बँकांनाही ठेवींवरील व्याजदरात वाढ करावी लागणार आहे.