क्रीडा प्रेमी आणि खेळाडूसाठी पालकमंत्री संदीपान भुमरे यांनी घेतला महत्वाचा निर्णय

औरंगाबाद, दि.२९ :- महाराष्ट्र शासनाच्या क्रीडा धोरणानुसार विभागीय क्रीडा संकुल समिती मार्फत सुतगिरणी परिसरातील २६एकरांवर विभागीय क्रीडा संकुल उभारण्यात आलेले आहे. संकुलामध्ये विविध क्रीडा सुविधांचा वापर नियमित सुरू असतो. या संकुलाच्या देखभाल दुरूस्ती कारणाने संकुल रविवारी बंद ठेवण्यात येत असे.

पालकमंत्री संदिपान भुमरे यांच्या अध्यक्षतेखाली आज झालेल्या बैठकीमध्ये सर्व क्रीडा प्रेमी व खेळाडू यांच्या मागणीनुसार विभागीय संकुलामधील सर्व सुविधा रविवारी सुध्दा उपलब्ध करुन देण्याचे आदेश पालकमंत्र्यांनी दिले. त्यामुळे 2 ऑक्टोबर पासून विभागीय क्रीडा संकुलातील सर्व सुविधा रविवारी सुध्दा उपलब्ध करुन देण्यात येणार असल्याने सर्व क्रीडा प्रेमी व खेळाडूंनी रविवारी देखील संकुलातील सुविधांचा लाभ घेण्याचे आवाहन उपसंचालक क्रीडा व युवक सेवा यांनी केले आहे.