परळीत धनंजय मुंडे तर महाविकास आघाडीचा धुव्वा

परळीत धनंजय मुंडे तर महाविकास आघाडीचा धुव्वा  लोकसभा निवडणुकीतून राज्यातील राजकारणाच्या दिशा ठरवल्या. मराठवाडा आणि विदर्भ या दोन प्रदेशांमध्ये या निवडणुकीतील कौल सर्वांचे लक्ष वेधून घेत होते. विशेषत: मराठवाड्यात जरांगे फॅक्टर आणि विदर्भात कुणबी व शेतमालाचा मुद्दा महत्त्वाचा ठरला. याच दरम्यान, लोकसभा निवडणुकीत महायुतीला मजबूत पाठिंबा मिळाला होता, आणि आता विधानसभा निवडणुकीतही त्याच प्रदेशांनी महायुतीच्या, विशेषतः भाजपाच्या बाजूने कौल दिला आहे.

महाविकास आघाडीला धक्का, काँग्रेसचे तीन प्रमुख नेते पिछाडीवर

मराठवाड्यात महायुतीने 34 जागांवर आघाडी घेतली आहे. या प्रदेशातील प्रमुख जिल्ह्यांमध्ये महायुतीचा उमेदवार नेहमी चर्चेत राहिला आहे. औरंगाबाद, जालना, सिल्लोड, लातूर, परळी आणि कळमनुरीसारख्या ठिकाणी महायुतीने आपली पकड दृढ केली आहे. खास करून परळी, औरंगाबाद आणि लातूर शहरात महायुतीला मोठी लीड मिळाली असून महाविकास आघाडीच्या उमेदवारांना मागे टाकले आहे.

विशेषतः परळी मतदारसंघात राष्ट्रवादीचे धनंजय मुंडे 83,411 मतांसह आघाडीवर आहेत, तर इतर ठिकाणी भाजपाचे उमेदवार महाविकास आघाडीच्या उमेदवारांपेक्षा स्पष्ट आघाडी घेत आहेत. यामुळे मराठवाड्यात महाविकास आघाडीचा धक्का झाला आहे, ज्यामुळे राज्यात महायुतीने 225 जागांवर आघाडी घेतली असून महाविकास आघाडी फक्त 56 जागांवरच विजय मिळवतेय. राज्यात महायुतीच्या विजयाने अनेक राजकीय समीकरणे बदलली असून आगामी राजकीय घटनाक्रमावर त्याचा मोठा परिणाम होईल, असे दिसून येते.

छ. संभाजीनगर पश्चिम मध्ये काटेची टक्कर, संजय शिरसाट एवढ्या मतांनी आघाडीवर

मराठवाड्यात भाजपाने मजबूत पकड ठेवली; काही मतदारसंघात काँटे की टक्कर
मराठवाड्यातील मतमोजणीच्या आता अधिकृत निकालांनी भाजपाच्या आघाडीला दुजोरा दिला आहे. या प्रदेशातील अनेक प्रमुख मतदारसंघांमध्ये महायुतीने वर्चस्व दाखवले आहे. परळी विधानसभा मतदारसंघात राष्ट्रवादीचे धनंजय मुंडे 83,411 मतांसह आघाडीवर आहेत, तर त्यांच्या विरोधातील शरद पवार गटाचे उमेदवार राजेसाहेब देशमुख फक्त 20,000 मतांपर्यंतच पोहोचले आहेत.

औरंगाबाद पूर्व मतदारसंघात एमआयएमचे इम्तियाज जलील भाजपाचे अतुल सावे यांच्या तुलनेत 75,232 मतांसह आघाडीवर आहेत, तर जालना मतदारसंघात शिंदे गटाचे अर्जुन खोतकर 41,548 मतांसह आघाडीवर आहेत. सिल्लोड आणि परंडा मतदारसंघात महायुती आणि महाविकास आघाडी यांच्यात कांटे की टक्कर होत आहे. सिल्लोडमध्ये शिंदे गटाचे अब्दुल सत्तार आणि उद्धव ठाकरे गटाचे सुरेश बनकर यांच्यात केवळ 2,000 मतांचा फरक आहे.

शिंदे, भाजपा, अजित पवारांचा नोट जिहाद, ठाकरेंचा घणाघात

तुळजापूर आणि लातूर शहरात भारतीय जनता पक्षाने आपली पकड मजबूत केली आहे. तुळजापूरमध्ये भाजपचे राणा जगजीतसिंह पाटील 78,969 मतांसह आघाडीवर आहेत, तर लातूर शहरात काँग्रेसचे अमित देशमुख 62,065 मतांसह पुढे आहेत. लातूर ग्रामीण आणि परभणी मतदारसंघात काँटे की टक्कर असून, लातूर ग्रामीणमध्ये भाजपाचे रमेश कराड आणि परभणीमध्ये उद्धव सेनेचे डॉ. राहुल पाटील मोठ्या आघाडीवर आहेत.

या निकालांसह मराठवाड्यातील राजकीय चित्रावर एक नवा मोड येताना दिसत आहे, जिथे महायुती आणि महाविकास आघाडी यांच्या लढतीत विविध जिल्ह्यांमध्ये गोंधळ आणि सामना घडत आहे.