उत्पल पर्रिकर यांचा पराभव

पणजी मतदारसंघात अपक्ष उमेदवार आणि माजी मुख्यमंत्री मनोहर पर्रिकर यांचा मुलगा उत्पल पर्रिकर यांचा 800 मतांनी पराभव झाला आहे. भाजपचे उमेदवार बाबूश मोन्सेरात यांनी त्यांचा पराभव केला. भाजपकडून उमेदवारी न मिळाल्याने उत्पल पर्रिकर यांनी बंडखोरी करत अपक्ष म्हणून निवडणूक लढवली होती.

सुरुवातीच्या कलांमध्ये उत्पल पर्रिकर यांनी आघाडीवर होत. परंतु मतमोजणीच्या फेऱ्या जसजशा पुढे सरकू लागल्या तशा उत्पल पर्रिकर यांची पिछेहाट होऊ लागली. खरंतर उत्पल पर्रिकर यांनी भाजप उमेदवार बाबूश मोन्सेरात यांनी चांगली लढत दिली. परंतु मोन्सेरात यांनी आपली आघाडी शेवटपर्यंत कायम राखली आणि विजय मिळवला.

अपक्ष उमेदवार म्हणून चांगली लढत झाली. मी सगळ्यांचे आभार मानतो. दिलेल्या लढतीबद्दल समाधानी आहे पण निकालाने काहीशी निराशा झाली, अशी प्रतिक्रिया उत्पल पर्रिकर यांनी काही वेळापूर्वी दिली होती.