सलग तिसऱ्या आठवड्यात कच्च्या तेलाची घसरण, पेट्रोल-डिझेलचे दर कमी होणार?

कच्च्या तेलात सलग तिसऱ्या आठवड्यात घसरणीचा कल आहे. क्रूडच्या घसरणीचा हा या वर्षातील सर्वात मोठा कालावधी आहे. अमेरिकेतील पेट्रोलची कमी मागणी आणि जागतिक अर्थव्यवस्थेतील मंदीचा कच्च्या तेलाच्या किमतींवर परिणाम होत आहे. शुक्रवारी (२२ जुलै) ब्रेंट क्रूडची किंमत प्रति बॅरल १०२-१०३ डॉलरवर होती. या वर्षी, रशियाने युक्रेनवर केलेल्या हल्ल्यानंतर, ते प्रति बॅरल 123 डॉलरवर पोहोचले होते. क्रुडच्या घसरणीनंतर भारतात पेट्रोल आणि डिझेलच्या किमती कमी होतील का, हा प्रश्न आहे.

4G पेक्षा 5G स्वस्त असेल कि महाग, वाचा सविस्तर

या आठवड्यात ब्रेंट क्रूडच्या किमती 1 टक्क्यांहून अधिक घसरल्या आहेत. संपूर्ण आठवड्यात $10 च्या श्रेणीत अस्थिरता दिसली. अमेरिकेतील पेट्रोल फ्युचर्स सलग चौथ्या आठवड्यात घसरले. एकीकडे त्याचा साठा वाढत आहे, तर दुसरीकडे मागणी कमी होत असल्याचे सांगितले जात आहे. अमेरिकेतील पेट्रोल पंपावरील पेट्रोलच्या सरासरी किमतीत बुधवारी सलग ३७ व्या दिवशी घट झाली.

या योजनेचा लाभ घेऊन मत्स्यपालन सुरू करा, तुम्हाला मिळेल 60% टक्क्यांपर्यंत सबसिडी

यंदा क्रूडच्या किमतीत मोठी वाढ झाली आहे. रशियाने युक्रेनवर केलेल्या हल्ल्यानंतर त्याच्या किमती अचानक वाढल्या. मात्र आता हळूहळू भाव कमी होत आहेत. अमेरिकेतील महागाईने 41 वर्षांतील सर्वोच्च पातळी गाठली आहे. परिणामी, फेडरल रिझर्व्ह व्याजदर वाढवत आहे. यूएस मध्यवर्ती बँकेची पुढील आठवड्यात बैठक होणार आहे. त्यामुळे पुन्हा एकदा तो व्याजदरात वाढ करू शकतो, असे मानले जात आहे.

व्याजदर वाढल्याने वस्तूंसह इतर अनेक गोष्टींची मागणी कमी होईल. मात्र, पेट्रोलच्या किमतीतील कपात ही अमेरिकेचे राष्ट्राध्यक्ष जो बिडेन यांच्यासाठी चांगली बातमी आहे. इंधन दरवाढीमुळे अमेरिकन जनता संतापली होती. म्हणूनच या वर्षाच्या सुरुवातीला बिडेन यांनी अमेरिकेतील पेट्रोलियम साठ्यातून मोठ्या प्रमाणात क्रूड सोडण्याचे आदेश दिले.

गुगलने ‘संभाजीनगर’ आणि ‘धाराशिव’ मॅपवरून हटवले, कारण…

बायडेन सौदी अरेबियाला तेल विक्री वाढवण्यास सांगत आहेत. परंतु, अद्याप तसे झालेले नाही. दुसरीकडे, गुरुवारी सौदी अरेबियाचे क्राउन प्रिन्स मोहम्मद बिन सलमान यांनी रशियाच्या राष्ट्राध्यक्षांशी फोनवर चर्चा केली. ओपेक प्लस देशांमध्ये सहकार्य सुरू ठेवण्याच्या मुद्द्यावर त्यांनी पुतीन यांच्याशी चर्चा केली. रशियन सरकारने याबाबत एक निवेदन जारी करून ओपेक प्लस देशांमधील समन्वय आवश्यक असल्याचे म्हटले आहे.

रशियावर दबाव वाढवण्यासाठी अमेरिकेला आपल्या तेलाच्या किमती मर्यादित करायच्या आहेत. अमेरिकन आणि पाश्चात्य देशांच्या निर्बंधानंतर रशिया चीन, भारतासह काही आशियाई देशांना आपले तेल विकत आहे.

भारतातील लोक पेट्रोल आणि डिझेलचे दर कमी होण्याची वाट पाहत आहेत. पेट्रोलचे दर प्रतिलिटर 100 रुपयांच्या जवळपास कायम आहेत. काही राज्यांमध्ये तर भाव 100 च्या पुढे गेले आहेत. त्यामुळे नागरिकांना अडचणींचा सामना करावा लागत आहे. जागतिक बाजारात क्रूडच्या किमती कमी झाल्यानंतर सरकारने पेट्रोल आणि डिझेल स्वस्त करावे, असे लोकांचे मत आहे.