आकाशातून पडले ‘अलियन्सचे यंत्र’; दिला संदेश, लोकांचा गोंधळ सुरू!

आकाशातून पडले ‘अलियन्सचे यंत्र’; दिला संदेश, लोकांचा गोंधळ सुरू!
बुलढाण्यात आकाशातून पडले कोरियन यंत्र, गावकऱ्यांमध्ये संभ्रम, पोलिसांनी घेतला ताब्यात
बुलढाणा जिल्ह्यातील अंचरवाडी शिवारात एका शेतात आकाशातून पडलेल्या अनोख्या यंत्राने खळबळ उडवली आहे. या यंत्रावर कोरियन भाषेत काही मजकूर लिहिला असल्याने गावकऱ्यांना आश्चर्याचा धक्का बसला आहे. शेतात पडलेले हे यंत्र एक मोठ्या फुग्याला बांधलेले असून, यंत्रावर हवामान खात्याशी संबंधित मजकूर दिसत आहे. यंत्राचे नेमके स्वरूप आणि उद्देश काय आहे, याबाबत माहिती मिळवण्यासाठी पोलिसांनी तपास सुरू केला आहे.

विनायक चतुर्थीच्या दिवशी या वस्तूंचे करा दान, घरात सुख-समृद्धी येईल!

शेतकरी संजय सीताराम परिहार आणि त्यांचे कुटुंबीय शेतात गेले असताना त्यांना हे यंत्र आढळले. यावर कोरियन मजकूर असल्यामुळे त्यांनी ग्रामस्थांना याची माहिती दिली आणि त्यानंतर परिसरातील नागरिकांची गर्दी एकवटली. पोलिस आणि महसूल प्रशासनाने तात्काळ घटनास्थळी पोहोचून यंत्राचा पंचनामा केला आणि त्याचा ताबा घेतला.

अजित पवारांकडून शिंदेंच्या गावी जाण्यावर स्पष्टीकरण, बघा काय म्हणाले ?

या यंत्राचा उद्देश आणि ते कोणत्या कारणाने आकाशातून पडले हे अद्याप अस्पष्ट आहे. यंत्राच्या अस्तित्वाने स्थानिक गावकऱ्यांमध्ये अनेक प्रश्न निर्माण केले आहेत. याबाबत अधिक तपास सुरू असला तरी, यंत्राच्या असामान्य स्वरूपामुळे ते आणखी गूढ ठरले आहे.