बारामतीत अजित पवारांनी घेतला बदला, महाविकास आघाडीला मोठा धक्का

बारामतीत अजित पवारांनी घेतला बदला, महाविकास आघाडीला मोठा धक्का
महाराष्ट्र विधानसभा निवडणुकीचा निकाल आश्चर्यकारक ठरत असून महायुतीने एक्झिट पोलच्या अंदाजांना खोट ठरवत जबरदस्त विजय मिळवला आहे. बारामती मतदारसंघातील निकाल विशेष महत्त्वाचा ठरला असून अजित पवार विजयाच्या दिशेने मार्गक्रमण करत आहेत. मतमोजणीच्या सुरुवातीच्या फेऱ्यांनुसार, अजित पवार यांना 60,636 मतांनी आघाडी मिळाली असून 1 लाख 9 हजार 848 मते मिळवली आहेत.

संभाजीनगर पूर्वमध्ये जलीलची लीड, मराठा आंदोलन आणि मुस्लिम मतांचा जोरदार प्रभाव

अजित पवारचा लोकसभा वचपा; शरद पवार गटाचा पराभव
बारामतीत शरद पवार गटाचे उमेदवार युगेंद्र पवार आणि अजित पवार यांच्यात चुरस पाहायला मिळाली. अजित पवार यांनी लोकसभा निवडणुकीत सुप्रिया सुळे यांच्या विजयाचा वचपा काढत प्रतिष्ठेच्या लढाईत विजय मिळवला. या निवडणुकीत शरद पवार यांनी युगेंद्र पवार यांना उमेदवारी दिली होती, परंतु अजित पवार यांच्या ठाण मांडलेल्या प्रचाराने बारामतीत मोठे उलटफेर केले.

शिंदे, भाजपा, अजित पवारांचा नोट जिहाद, ठाकरेंचा घणाघात

महाराष्ट्र विधानसभा निवडणुकीत महाविकास आघाडीचा पराभव
महाराष्ट्र विधानसभेच्या पूर्ण निकालानुसार, महायुतीने तब्बल 220 जागांवर आघाडी घेतली आहे, तर महाविकास आघाडी केवळ 52 जागांवर विजय मिळवण्यास सक्षम झाली आहे. या निवडणुकीत महाविकास आघाडीच्या दिग्गज नेत्यांचा पराभव होऊन महायुतीने सत्ता स्थापन करण्याची दिशेने पुढे जाण्याचे संकेत दिले आहेत.