अब्दुल सत्तारांचा वादग्रस्त दावा; “माझ्यात मुख्यमंत्री बदलण्याची ताकद आहे”

अब्दुल सत्तार यांचे वादग्रस्त वक्तव्य; “मुख्यमंत्री बदलण्याची ताकद ठेवतो”
महाराष्ट्रातील विधानसभा निवडणुकांच्या पार्श्वभूमीवर राजकीय वातावरण ताणले जात आहे. यंदाच्या निवडणुकीत सिल्लोड विधानसभा मतदारसंघातून चौथ्या वेळेस निवडणूक लढवणारे विद्यमान मंत्री अब्दुल सत्तार यांनी नुकतेच वादग्रस्त वक्तव्य केले आहे. अब्दुल सत्तार यांनी अजिंठा येथील जाहीर सभेत म्हटले, “माझ्यात मुख्यमंत्री बदलण्याची ताकद आहे, हे किरकोळ लोक माझ्याशी काय सामना करणार आहेत.” या विधानामुळे ते सध्या राजकीय चर्चेचा विषय बनले आहेत.

अजित पवारांचा खुलासा: 2019 मध्ये भाजपाशी बैठक करताना अदानींचा सहभाग

सत्तार यांचे वक्तव्य खास करून विरोधकांवर निशाणा साधत केले आहे. “विरोधकांच्या पायाखालची वाळू सरकली आहे. त्यामुळे ते आता जातीपातीच्या मुद्द्यांवर जात आहेत,” असेही ते म्हणाले. सत्तार यांचे हे वक्तव्य रावसाहेब दानवे आणि इतर विरोधकांना लक्ष्य करत होते. त्यांनी असेही सांगितले की, “मी कुत्रा निशाणी मिळाल्याचेही निवडून येऊ शकतो,” आणि “माझ्या कामांमुळे काही लोक मला जळतात.”

संजय राऊतांचा पंतप्रधान मोदींवर हल्ला: ‘भ्रष्टाचार, देशद्रोह आणि धार्मिक ध्रुवीकरणाची भूमिका

सत्तार यांनी या सभेत आपल्या विकासकामांचा उल्लेख करत जनतेला आवाहन केले की, “जो विकास कामे करतोय, त्याला मतदान करा.” 25 वर्षांच्या राजकीय कारकिर्दीत कोट्यावधी रुपयांची कामे केले असल्याचे ते म्हणाले. परंतु त्यांच्या या विधानामुळे ते अडचणीत येऊ शकतात, कारण निवडणुकीच्या तासात त्यांचे वक्तव्य राजकीय तापमान वाढवू शकते.

पूर्व-छत्रपती संभाजीनगर!

सिल्लोड मतदारसंघात यंदा चौथ्यांदा आमदार होण्यासाठी सत्तार जोरदार प्रचार करत आहेत. जालना जिल्ह्यातील सिल्लोड विधानसभा एक महत्त्वपूर्ण राजकीय गड मानली जाते, आणि या मतदारसंघातून तीन वेळा विजय मिळवलेले सत्तार यंदा पुन्हा रिंगणात उतरले आहेत.