नागपुर जवळ भीषण अपघात ; ट्रक व तवेराची धडक सात जणांचा जागीच मृत्यू

नागपूर जिल्ह्यातील उमरेड रोडवर भीषण अपघात झाला असून. या भीषण अपघातात ७ जणांचा जागीच मृत्यू झाला आहे. उमरेड मार्गावरील मौजा उमरगाव राम कुलर कंपनीजवळ हा भीषण अपघात झाला. मृतांमध्ये ५ पुरूष आणि २ महिलेचा समावेश असल्याची प्राथमिक माहिती आहे.

उमरगाव फाट्या जवळ ट्रक आणि टवेरा कार मध्ये झालेल्या भीषण अपघातात सात प्रवाशांचा मृत्यू झाला आहे. अपघात इतका भीषण होता की चार प्रवाशांचा जागीच मृत्यू झाला.

काल रात्री रात्री ११ वाजताच्या सुमारास टवेरा कार ही नागपूरच्या दिशेने जात होती. ट्रकला ओव्हरटेक करताना चालकाचा गाडीवरचा ताबा सुटल्याने ट्रकला पाठीमागून धडक दिली. तवेरा गाडीचा वेग जास्त असल्याने कारमध्ये असलेल्या दहापैकी सात प्रवाश्याचा मृत्यू झाला.

सागर शेंडे रा. पिवळी नदीजवळ, उप्पलवाडी (टवेराचालक), मेघा आशिष भुजाडे रा. नझूल ले-आउट बेझनबाग, देविदास गेडाम, नरेश डोंगरे रा. भीमचौक, इंदोरा अशी मृतांची नावं आहे. तर उर्वरित मृतांची नावं अद्याप समजू शकलेली नाही. अपघाताची माहिती मिळताच हुडके‌श्वर पोलिसांचा ताफा घटनास्थळी दाखल झाला आणि तात्काळ बचावकार्य सुरु करण्यात आलं.