या 5 गोष्टी लक्षात ठेऊन टक्स भरा अन्यथा भरावा लागेल दंड

दर वर्षी लोकांना त्यांच्या उत्पन्नावर कर भरावा लागतो. जर उत्पन्न करपात्र असेल, तर आयकर रिटर्न (ITR) भरणे खूप महत्वाचे आहे. त्याच वेळी, 60 वर्षांपेक्षा कमी वयाच्या लोकांचे वार्षिक उत्पन्न 2.5 लाखांपेक्षा जास्त असल्यास आयटीआर फाइल करणे खूप महत्वाचे आहे. दुसरीकडे आयकर भरताना काही गोष्टी लक्षात ठेवाव्या लागतात. या गोष्टींकडे दुर्लक्ष केले तर मोठे नुकसानही होऊ शकते.

यावर्षी 2021-22 साठी प्राप्तिकर रिटर्न भरण्याची अंतिम तारीख 31 जुलै 2022 आहे. ही तारीख वैयक्तिक आयकर भरणाऱ्यांसाठी लागू आहे. त्याचबरोबर कर भरताना काही गोष्टी लक्षात ठेवणे आवश्यक आहे. काही महत्त्वाच्या गोष्टींची काळजी न घेतल्यास दंडही भरावा लागू शकतो.

आता ती वेळ गेली, मुख्यमंत्री उद्धव ठाकरेच असतील – संजय राऊत

• या गोष्टी लक्षात ठेवा:

1) इन्कम टॅक्स रिटर्नची शेवटची तारीख

तुम्ही वैयक्तिक आयकर भरणार्‍यांच्या श्रेणीत येत असाल, तर तुमचे आयकर रिटर्न या वर्षी 31 जुलै 2022 पर्यंत दाखल करा. या तारखेनंतर आयकर भरल्यास दंड आकारला जाऊ शकतो.

2) फॉर्म 26AS

फॉर्म 26AS प्राप्तिकर विभागाने जारी केला आहे. या फॉर्मच्या मदतीने व्यक्तीचे उत्पन्न, वय, TDS, भरलेला आगाऊ कर, स्व-मूल्यांकन कर भरलेला इत्यादी माहिती दिली जाते. याच्या मदतीने पगारदार लोक फॉर्म 16 मधून त्यांचे उत्पन्न मिळवू शकतात. फॉर्म 26AS मधील सर्व माहिती एकत्र केल्यानंतर, चूक होण्याची शक्यता कमी होते.

मान्सून वेळेवर दाखल पण पाऊस ४१ टक्क्यांनी कमी, महाराष्ट्रात खरीप पिकांच्या पेरणीची अवस्था बिकट

3) गुंतवणुक कागदपत्र

आयकर रिटर्न भरताना गुंतवणूकदारांना काही सूट देखील दिली जाते . जर आयकरदात्याने कोणत्याही सूटचा दावा केला असेल, तर त्याच्याशी संबंधित कागदपत्रे तुमच्याकडे ठेवा. तसेच, ITR मध्ये दर्शविलेल्या गुंतवणुकीशी संबंधित सर्व कागदपत्रे तुमच्याकडे ठेवा. जर या कागदपत्रांची कमतरता आढळून आली आणि ITR भरताना गुंतवणूक दाखवायची राहिली, तर तुम्ही त्या सूटचा लाभ घेऊ शकणार नाही.

4) बँकिंग व्यवहार

तुम्हाला तुमच्या बँकिंग व्यवहारांचा तपशील देखील ITR मध्ये नमूद करावा लागेल. अशा परिस्थितीत, जर तुम्ही 10 लाख रुपयांपेक्षा जास्तीची एफडी केली असेल तर त्याची माहिती देखील ITR मध्ये द्यावी लागेल. तसेच बँकेशी संबंधित अपूर्ण तपशील देऊ नका. अशा परिस्थितीत बँक खात्यात परतावा मिळण्यात अडचण येऊ शकते.

5) मालमत्ता तपशील

मालमत्ता तपशील आयटीआर दाखल करताना तुमची मालमत्ता संबंधित माहिती लपवू नका. मालमत्ता करपात्र असेल तर त्याची माहिती आयटीआरमध्ये द्यावी, अन्यथा भविष्यात समस्यांनाही सामोरे जावे लागू शकते.