नाश्ता वेळेवर नाही दिला म्हणून सासऱ्याने सुनेवर झाडली गोळी

ठाणे शहरात सासऱ्याने राहत्या घरी सुनेवर सर्व्हिस रिव्हॉल्व्हरमधून गोळी झाडात हल्ला केला, त्यामुळे ती महिला जखमी झाल्याची माहिती समोर येत आहे, राबोडी परिसरातील रहिवासी असलेल्या 42 वर्षीय महिलेच्या पोटात गोळी लागल्याने तिच्यावर येथील रुग्णालयात उपचार सुरू आहे

राबोडी पोलिस ठाण्याचे वरिष्ठ निरीक्षक संतोष घाटेकर यांनी सांगितले की, आरोपी काशिनाथ पांडुरंग पाटील (वय 76) याच्याविरुद्ध आयपीसी कलम 307 (हत्येचा प्रयत्न) आणि 506 (गुन्हेगारी धमकी) व्यतिरिक्त गुन्हा दाखल करण्यात आला आहे.

आरोपीच्या दुसऱ्या सुनेने दाखल केलेल्या तक्रारीचा हवाला देत अधिकाऱ्याने सांगितले की, ही घटना गुरुवारी सकाळी 11.30 वाजता घडली. पीडितेने त्याला चहासोबत नाश्ता दिला नाही तेव्हा आरोपी चिडला, असे त्याने सांगितले.

तसेच त्याने रिव्हॉल्व्हर बाहेर काढले आणि आपल्या सुनेवर गोळी झाडली, त्यामुळे ती जखमी झाली, असे पोलीस अधिकाऱ्याने सांगितले. कुटुंबातील इतर सदस्यांनी तिला तातडीने जवळच्या रुग्णालयात उपचारासाठी दाखल केले. या हल्ल्यामागे आणखी काही चिथावणी होती का, याचा शोध पोलीस घेत आहेत, असे घाटेकर यांनी सांगितले.