रेल्वेमंत्री रावसाहेब दानवे मनसे अध्यक्ष राज ठाकरे यांच्या भेटीला

मागील काही दिवसांपासून महाराष्ट्राच्या राजकारणात भाजप आणि महाराष्ट्र नवनिर्माण सेनेच्या युतीची चर्चा रंगली आहे. गुढीपाडवा मेळाव्यात देखील राज ठाकरे यांनी केलेल्या भाषणात महा विकास आघाडीच्या नेत्यांवर जोरदार टीका केली होती. तसेच हिंदुत्वाच्या मुद्द्यावर त्यांनी भाष्य केले होते. त्याच्या भाषणातील मशिदी वरील भोंग्याचा मुद्दा देखील चांगलाच गाजला आहे.

हे हि वाचा :- राज्यात 19 लाख आधार कार्ड बोगस ; चौकशीसाठी समिती स्थापन

यानंतर मंत्री नितीन गडकरी यांनी देखील मनसे अध्यक्ष राज ठाकरे यांची कृष्ण कुंज निवासस्थानी भेट घेतली होती, तेव्हा देखील मनसे आणि भाजप युतीच्या चर्चेला उधाण आले होते. आज केंद्रीय राज्यमंत्री रावसाहेब दानवे यांनी कृष्णकुंज निवासस्थानी राज ठाकरे यांची भेट घेऊन विविध विषयावर चर्चा केली अशी पोस्ट रावसाहेब दानवे यांनी केली आहे. परंतु या भेटीदरम्यान काय चर्चा झाली याकडे सर्वांचे लक्ष लागून आहे.

हे हि वाचा :INS Vikrant – किरीट सोमय्या नील सोमय्या चौकशीला गैरहजर