मसाज पार्लरच्या नावाखाली तरुणींचा सौदा, कोल्हापुरात सेक्स रॅकेटचा पर्दाफाश
महालक्ष्मी चेंबर मध्ये सुरु असलेल्या मसाज पार्लरच्या नावाखाली सेक्स रॅकेटचा पर्दाफाश शहापूर पोलिसांनी केला आहे. गेल्या काही दिवसांपूर्वी कोल्हापुरातील तारा राणी चौकाजवळ असणाऱ्या निंबाळकर कॉलनीत शहापुरी पोलिसांनी सेक्स रॅकेटचा पर्दाफाश केला होता. या ठिकाणी छापा टाकून संबंधित महिला आणि दोघांना अटक करण्यात आली. तसेच दोघांनी या ठिकाणी मसाज पार्लरच्या नावाखाकी व्यवसाय केला होता.
कोल्हापूर मध्यवर्ती बस स्थानक परिसरातील चेंबरमध्ये सुरू असलेल्या सेक्स रॅकेटचा पर्दाफास केला . मिळालेल्या माहितीनुसार पोलिसांनी एका महिलेला अटक केली आहे. यात या व्यवसायासाठी आणलेल्या तीन मुलींची सुटका केली असून पोलिसांनी गुन्हा दाखल केला आहे तर पुढील तपास करत आहेत.
चित्रकला कुरणे असं अटक केलेल्या आरोपी महिलेचं नाव आहे. ही महिला हातकणंगले तालुक्यातील पुलाची शिरोली येथील रहिवासी आहे. अशी माहिती पोलिसांनी दिली तर महालक्ष्मी चेंबरच्या दुसऱ्या मजल्यावर दृष्टी आयुर्वेदिक पंचकर्म अँड बॉडी केअर सेंटर नावाच्या मसाज पार्लर मध्ये हा वेश्याव्यवसाय सुरू होता. अशी तक्रार शहापुरी पोलिसांना मिळताच पोलिसांनी या ठिकाणी सोमवारी सायंकाळी छापा टाकून याचा पर्दाफाश केला.