‘डॉलर’चा वाढला ‘भाव’ आता 1 ‘डॉलर’ म्हणजे 80.86 ‘रुपये’
यूएस सेंट्रल बँक फेडरल रिझर्व्हने व्याजदर वाढवण्याचे स्पष्ट संकेत दिल्याने आणि आणखी कठोर भूमिका कायम ठेवल्याने गुंतवणूकदारांच्या भावनांवर परिणाम झाला आहे. यामुळे गुरुवारी रुपया 90 पैशांनी घसरून 80.86 प्रति डॉलर (तात्पुरता) या सार्वकालिक नीचांकी पातळीवर बंद झाला. फेडरल रिझर्व्हने दर वाढवल्यामुळे आणि युक्रेनमधील भू-राजकीय तणाव वाढल्याने गुंतवणूकदार जोखीम घेण्यास कचरत असल्याचे विदेशी मुद्रा व्यापार्‍यांनी सांगितले. त्याचबरोबर विदेशी बाजारात अमेरिकी चलनाची मजबूती, देशांतर्गत शेअर बाजारातील घसरण आणि कच्च्या तेलाच्या किमतीत झालेली वाढ याचाही परिणाम रुपयावर होत आहे.
‘कर्करोगा’मुळे ‘मानसिक’ आरोग्यालाही ‘धोका’
मागील बंद किंमतीच्या तुलनेत 90 पैशांची घसरण
आंतरबँक परकीय चलन बाजारात रुपया 80.27 वर उघडला. दिवसाच्या व्यवहारादरम्यान, तो आणखी घसरून 80.95 च्या सर्वकालीन नीचांकी पातळीवर पोहोचला. शेवटी तो 80.86 वर बंद झाला, जो मागील बंद किंमतीच्या तुलनेत 90 पैशांची घसरण दर्शवितो. फेडरल रिझर्व्हने व्याजदरात 0.75 टक्क्यांनी वाढ केली आहे. आता सर्व लक्ष बँक ऑफ जपान आणि बँक ऑफ इंग्लंडच्या चलनविषयक धोरणावर असेल, असे फॉरेक्स ट्रेडर्सचे म्हणणे आहे.
सहा प्रमुख चलनांच्या तुलनेत डॉलरची ताकद मोजणारा डॉलर निर्देशांक 0.38 टक्क्यांनी वाढून 110.06 वर पोहोचला. एचडीएफसी सिक्युरिटीजचे संशोधन विश्लेषक दिलीप परमार यांनी सांगितले की, फेडरल रिझर्व्हची आक्रमक भूमिका आणि रशिया आणि युक्रेनमधील भू-राजकीय तणाव वाढल्याने प्रमुख चलनांच्या तुलनेत डॉलरमध्ये वाढ झाली. इतर आशियाई चलनांप्रमाणेच रुपयाही विक्रमी नीचांकी पातळीवर पोहोचला आहे.
परमार म्हणाले की, देशांतर्गत अर्थव्यवस्था मजबूत झाल्यानंतरही रुपयाच्या घसरणीचा सध्याचा कल कायम राहू शकतो. शेअर बाजाराच्या आकडेवारीनुसार, बुधवारी विदेशी संस्थागत गुंतवणूकदारांनी 461.04 कोटी रुपयांच्या समभागांची विक्री केली.
नुकसान भरपाई न मिळाल्याने शेतकऱ्यांचा सरकारविरोधात संताप, दूध रस्त्यावर फेकून व्यक्त केला निषेध
सर्वसामान्यांवर काय परिणाम होईल?
आम्ही तुम्हाला सांगतो की रुपयाच्या कमजोरीमुळे केवळ तोटेच नाहीत तर काही फायदेही आहेत. भारतातून परदेशात जाणाऱ्या मालासाठीही चांगले पैसे उपलब्ध आहेत. देशातून वस्तू किंवा सेवा निर्यात करणाऱ्यांसाठी कमजोर रुपया फायदेशीर आहे. भाग, चहा, कॉफी, तांदूळ, मसाले, सागरी उत्पादने, मांस यांसारखी उत्पादने भारतातून निर्यात केली जातात आणि या सर्वांच्या निर्यातदारांना रुपया कमजोर झाल्याचा फायदा होईल.
रुपया कमकुवत झाल्याने आता देशाला तेवढ्याच रकमेच्या वस्तू खरेदी करण्यासाठी अधिक पैसे खर्च करावे लागणार आहेत. आयात माल अधिक महाग होईल. यामध्ये सोने, कच्च्या तेलाचा समावेश आहे, कारण आंतरराष्ट्रीय बाजारात या वस्तूंची किंमत डॉलरमध्ये निश्चित केली जाते. सध्या कच्च्या तेलाच्या किमती वाढत असून रुपया विक्रमी नीचांकी पातळीवर आहे, त्यामुळे पेट्रोल आणि डिझेलची आयात महाग होणार आहे.