१०० पुरोहितांनी दिला मंत्रोउच्चरासह राज ठाकरेंना ‘ यशस्वी व्हा ‘ असा आशीर्वाद

मनसे अध्यक्ष राज ठाकरे यांची महाराष्ट्र दिनी उद्या औरंगाबादेत होणाऱ्या बहुचर्चित सभेकडे राज्याचं लक्ष लागलं आहे. या सभेच्या पार्श्वभूमीवर राज ठाकरेंचा आज पुणे ते औरंगाबाद दौराही चर्चेत आहे. या प्रवासा दरम्यान त्यांनी अहमदनगर येथील सुपे गावात छत्रपती संभाजी महाराजांचे दर्शन घेतले आणि तसेच तिथे त्यांना १०० पुरोहितांनी मंत्रोउच्चरासह ‘यशस्वी व्हा’ असा आशीर्वाद दिला.

हेही वाचा : लग्नात चक्क तलवारीनी राडा, नवरी निघाली अल्पवयीन

आता राज ठाकरे नगर येथून औरंगाबादच्या दिशेने रवाना झाले आहे, राज ठाकरे काल पुण्यात दाखल झाले होते, आज सकाळपासून वेगवेगळ्या कार्यक्रमांनी या दौऱ्याची आखणी करण्यात आलीय. आणि औरंगाबादच्या सभेआधी वातावरण तयार करण्याचा प्रयत्न मनसेनं केला आहे. पुणे ते औरंगाबाद प्रवासात राज ठाकरेंचं ठिकठिकाणी जंगी स्वागतही केलं जाणार आहे.

हेही वाचा : उन्हाळ्यात आरोग्य काळजी : पुदिना देतो शरीराला थंडावा, अनेक आजार बरे होतात हे खाल्ल्याने

मशिदीवरील भोंग्यांना विरोध आणि हनुमान चालिसाचा मुद्दा उपस्थित करून आक्रमक हिंदुत्वाची भूमिका घेणाऱ्या राज ठाकरेंनी राज्यातलं राजकीय वातावरण ढवळून निघालं आहे. त्यातच राज ठाकरेंच्या उद्या औरंगाबादेत होणाऱ्या बहुचर्चित सभेकडे राज्याचं लक्ष लागलं आहे.